Naino me sapna
Par Sapne me Sapna
ajeeb ittefaq hota hai
itne bechaini me
koi kaise sota hai..
Mann giraft me hai kisi ke
aur hume ehsaas bhi nahi
wo kitaab jisme sab raaz hai
ankhon ke itne paas bhi nahi..
Wo kya khwaab hai
jo mai har roz bunti hu
kahi kho jaati hai awaaz
fir sapno me sunti hu..
Mann ko hai fikarr kiski
kiski isse talaash hai
kya wo neela pani hai
ya saara akaash hai..
Bhaag raha hai mann kahi
na is or hai, na uss or hai
tu bol raha kuch aur hai
wo sunn raha kuch aur hai..
Kis baat se tu pareshaan hai
kya kisi se darta hai?
kyu tu itna hairaan hai
kyu khudme simatt ta hai..
Jis soch se tu darta hai
wo sach nahi sapna hai
jisse soch raha tu sapna hai
asliyat me wahi tera apna hai..
Sukoon me tu jee zara
fir samajh isse ishaare me
dekh raha tu jis tarang ko
teri soch ke nazaare me..
Mann mere tu, samundar ki gehrai se bhi
doob ke nikalta hai
insaan wahi hai jo, apne khwaabon ko
hakeeqat me badalta hai..
Ae soch meri!
Tu sunna na kisi ki
bharr le aisse udaan
khol de ye satrangi pankh
bharle oonchi udaan..
